Ai duket se ka marrë një fletëthirrje për të dhënë shpjegime në SPAK për drejtorët e tij të ‘5D’ dhe në një dalje të tijën sot e ka trajtuar sikur do shkojë vetë me dëshirë për të çuar dosjen e hajdutëve në prokurori. 

Këtë gjë e ka deklaruar sot në media, vetëm 2 ditë pasi Rama i tha SPAK-ut, “vepro”, kur ka thënë se unë kam marrëdhënië pro aktive me SPAK-un.

Veliaj e di shumë mirë që në SPAK janë dosjet për hajdutët e tij të ‘5D’, ashtu siç kanë edhe faktet për inceneratorin e Tiranës, ku ai është pronari faktik.

Por përkundër asaj që kishte menduar Veliaj se edhe ka njerëzit e tij në SPAK, i ka rezultuar e kundërta, dosjet e tij së paku, i kanë në dorë prokurorë që kontrollohen nga Edi Rama, ndaj edhe pas deklaratës së Ramës, ku i kërkoi SPAK-ut t’i nxjerrë ujin e zi kurrupsionit në bashki, në po të njëjtin televizion del Lali dhe thotë po shkoj vetë.

Duket se beteja mes Ramës e Veliajt po shkon në një fazët tjetër, Rama po çon në SPAK kandidatin për zëvendës të tij, ndërsa Veliaj po furnizon mediat dhe agjencitë e huaja me dokumente ku faktohet lidhja e Ramë, Agaçit dhe vëllai të tij me narkotrafikun ndërkombëtar.

Në një intervistë në televizionin e inceneratorëve, në Report TV, Veliaj tha se në ditët në vijim do të dorëzojë vetë në SPAK dosjen me informacione për të gjitha çështjet.

Veliaj duket që është aq shumë i frikësuar sa ka lëshuar një thagmë në intervistë kur ka thënë se, “unë i kam dhënë tokë SPAK-ut për të ndërtuar një godinë dinjitoze...”, pra Veliaj u kujton SPAK-istëve “nderet”, sikur u ka falur një copë tokë nga toka e tij personale për godina.

“Ne jemi treguar bashkëpunues me SPAK-un jo vetëm për çështje të dokumentacionit dhe mbarëvajtjes së hetimeve, por e kemi dëshmuar edhe me VKB, duke dhënë edhe prona të bashkisë për mbarëvajtjen e punës së SPAK-ut. Ju kujtoj se ish-ndërtesa e Ujësjellësit iu dhurua SPAK-ut nga Bashkia e Tiranës, që kolegët e BKH-së të punojnë në kushte njerëzore sepse s’mund të kesh një institucion, i cili duhet të përfaqësojë drejtësinë, që të ulen si në shkollat e Tiranës që gjeta unë para disa vitesh, me 5 veta në një zyrë dhe dosjet kapicë. Edhe drejtorët që sot duhet të japin shpjegime para SPAK-ut, në 1 mijë punë të mira që kanë bërë, qoftë edhe për një punë që ka nevojë të sqarohet, kanë qenë bashkëpunues. Unë si drejtues i bashkisë, po e po. Në dallim nga disa të tjerë që e kanë bashkëpunimin vetëm në nivel narrative ose dakordësie, – ose fjala vjen, një deputet, çfarë do bashkëpunojë me SPAK-un përveçse duke ngritur dorën kur kalon buxheti dhe ligjet mbështetëse – në Bashkinë e Tiranës kemi shkuar edhe përtej kësaj, kemi shkuar në dhënie asetesh që kolegët të punojnë në kushte komode,- është shprehur Veliaj.