Vazhdon grabitje e parave publike në Bashkinë e Tiranës përmes tenderave të cilat i fitojnë vetë vartësit e Erion Veliajt përmes familjarëve të tyre.
Ditën e sotme Partia Demokratike ka denoncuar se si kryebashkiaku Erion Veliaj i ka dhënë tendera vartëses së tij, Besjona Dede Mehmetaj, e cila ka mbajtur funksione të ndryshme në Bashkinë e Tiranës në kohën e drejtuanga Veliaj.
Tenderat me firmën e Erion Veliajt i janë dhënë subjektit tregtar “StarTek shpk” në pronësi të Lulëzim Mehmetajt, bashkërtotit të punonjëses së Bashkisë Besjona Dede Mehmetajt.
Bëhet fjalë për tenderin me objekt: “Këndi i lojërave në Parkun e Liqenit”, me vlerë 708 mijë euro së bashku me shtesën e kontratës të lidhur, të cilat përfshinin edhe trenin për fëmijë që sipas qytetarëve nuk është vendosur në punë ndonjëherë edhe pse u prenë pemë për këtë qëllim.
Po ashtu edhe një tender nga UKT Tiranë me objekt : “Furnizimi me ujë dhe rrjet Kanalizimi për objektin: Rehabilitimi i vendbanimeve të Komunitetit Rome” me vlerë rreth 77 mijë euro lidhur me bashkim operatorësh pjesë e të cilëve ishte edhe kompania ( Star-Tek Shpk).
Gjithashtu, me firmën e Erion Veliajt i është dhënë edhe një pronë publike në zbatim të vendimit për përcaktimin e procedurës për negocimin me zhvilluesit privat të cilët kërkojnë të lidhin marrëveshje sipërmarrje/shkëmbimi me Bashkinë e Tiranës për zhvillimin e pasurive.
Sipas PD-së, Veliaj e ka futur bashkëshortin e vartëses së tij edhe në procesin e rindërtimit, pasi në 23 Tetor 2020 ata lidhën kontratën për tenderin e kufizuar në kuadër të procesit të rindërtimit me objekt : “Ndërtimi i shkollës “Sami Frashëri” me vlerë të kontratës 5.6 mlion euro ose 99.9 % të fondit Limit.
Ndërsa me firmën e kryeministrit Edi Rama,“Startek”shpk e Lulëzim Mehmetajt, bashkëshortit të punonjëses së Veliajt Besjona Dede Mehmetaj është miratuar vendimi 2/3 dt 2.9.2019 dhe mban statusin e investitorit strategjik për projektin e investimit me potencial strategjik “Dhërmi Resort“ në një sipërfaqe totale prej 133.000 m2 në Zonën Kadastrale Nr. 1481, Himarë, vlera e investimit 13.7 milion euro.
Denoncimi nga selia blu u bë nga zëdhënlësja e antikorrupsionit në PD, Genta Vangjeli shoqëruar edhe me dokumentet përkatëse.
Sipas PD-së, qyetarët e kanë kuptuar se kush është Erjon Veliaj dhe si i ka shpërdoruar ai takstat e tyre, por a e ka kuptuar SPAK apo akoma do vijojë me arrestime punonjësish ndërsa nënshkrimi është i Veliajt.
DEKLARATA E ZEDHENESES SE ANTIKORRUPSIONIT NE PD, GENTA VANGJELI:
Prej 19 javësh opozita proteston në dyert e blinduara të bashkisë Tiranë dhe përballë një kryebashkiaku të veshur me antiplumb.
Dyert e bashkisë do t’ja rrëzojmë për t’i hapur rrugë popullit, ndërsa antiplumbin ta gëzojë si dhuratë nga ata që ka frikë.
Ajo që e shqetëson Partinë Demokratike nuk janë masat mbrojtëse të Veliajt, por përmasat që marrin vjedhjet e tij dhe të bashkëpunëtorëve.
Njollën e tyre nuk e fsheh dot asnjë antiplumb dhe derë e blinduar. Një tjetër vjedhje ka hedhur rrënjë në bashkinë Tiranë.
Bëhet fjalë për punonjësen me funksione të ndryshme në kohë të Erjon Veliajt, Besjona Dede Mehmetaj, që me firmën e Veliajt përfitoi kontrata publike me anë të subjektit tregtar StarTek shpk në pronësi të bashkëshortit të saj Lulëzim Mehmetaj në të cilën ka rezultuar më parë edhe vetë ajo si e punësuar, konkretisht:
Në 8 Shkurt 2016 kontratën për tenderin që i kushtoi qytetarëve 80 ditë protesta me objekt: “Këndi i lojërave në Parkun e Liqenit”, me vlerë 708 mijë euro sëbashku me shtesën e kontratës të lidhur më 04.08.2017; të cilat përfshinin edhe trenin për fëmijë që sipas qytetarëve nuk është vendosur në punë ndonjëherë edhe pse u prenë pemë për këtë qëllim.
Në 5 Shkurt 2018 kontrata me UKT Tiranë me objekt : “Furnizimi me ujë dhe rrjet Kanalizimi për objektin: Rehabilitimi i vendbanimeve të Komunitetit Rome” me vlerë rreth 77 mijë euro lidhur me bashkim operatorësh pjesë e të cilëve ishte edhe kompania ( Star-Tek Shpk).
Në zbatim të VKB VKB 53 dt: 26:4/2018 Për përcaktimin e procedurës për negocimin me zhvilluesit privat të cilët kërkojnë të lidhin marrëveshje sipërmarrje/shkëmbimi me Bashkinë e Tiranës për zhvillimin e pasurive në pronësi të saj, “Startek”shpk e bashkëshortit të Besjona Dede Mehmetaj lidhi kontratën si sipërmarrës për një pronë publike me firmën e Erion Veliajt.
Startek”shpk e bashkëshortit ( Lulëzim Mehmetaj )të punonjëses së Veliajt Besjona Dede Mehmetaj është miratuar nga Edi Rama me anë të vendimit 2/3 dt 2.9.2019 dhe mban statusin e investitorit strategjik për projektin e investimit me potencial strategjik “Dhërmi Resort“ në një sipërfaqe totale prej 133.000 m2 në Zonën Kadastrale Nr. 1481, Himarë, vlera e investimit 13.7 milion euro.
Por qokat nuk mbaruan këtu…
Si mund të mos përfshinte në pazaret e tij Erjon Veliaj bashkëshortin e punonjëses së tij në procesin e rindërtimit …
Prandaj në 23 Tetor 2020 ata lidhën kontratën për tenderin e kufizuar në kuadër të procesit të rindërtimit me objekt : “Ndërtimi i shkollës “Sami Frashëri” me vlerë të kontratës 5.6 mlion euro ose 99.9 % të fondit Limit.
Qyetarët e kanë kuptuar se kush është Erjon Veliaj dhe si i ka shpërdoruar ai takstat e tyre po SPAK a e ka kuptuar apo akoma do vijojë me arrestime punonjësish ndërsa nënshkrimi është i Veliajt…..
