Pas zvarritjeve të më shumë se dy viteve, socialistët kanë ndryshuar strategjinë për ‘Olta Xhaçkën’, duke dërguar në Kuvend mandatin e saj sipas vendimit të Gjykatës Kushtetuese.

Mes diskutimeve, ligjvënësit socialistë në Këshillin e Legjislacionit kanë pranuar rekomandimet e deputetëve të opozitës, për ta çuar në Kuvend mandatin e deputetes së PS, Olta Xhaçka në seancën e datës 12 shtator për ta futur në rend dite.   

Ligjvënësit duhet ta shqyrtojnë mandatin  e Xhaçkës, brenda 6-muajve nga përfundimi natyror siç parashikohet në Kushtetutë.

Jashtë këtij afati, është e pamundur që ligjvënëses socialiste t’i hiqet mandati.