Nga Tritan Shehu 

Për Ramën, bashkëpunimi me Kosovën, si vasalitet ndaj tij.  

I njëjti mentalitet përcillet edhe nga ministri i Jashtëm.

Kosova duhet të pyes Shqipërinë edhe për “Urën e Ibrit”!

Edhe mundet të diskutohet, jo të merret leje, veçanërisht për çështje të rëndësishme rajonale, është produktive diçka e tillë.

Por kjo ndodh në një klime normale bashkëpunimi.

Klime e cila është bërë “sterr e zezë” nga Rama e qëndrimet e tij.

Duke krijuar një “ngrirje” të plotë edhe në marrdhëniet bilaterale me Kosovën, jo vetëm për ato rajonale.

Rama a e pyeti Prishtinën kur promovoi “Ballkanin e Hapur” të Vuçiç, gjë e cila godiste direkt edhe Kosovën e sovranitetin e saj?!

Rama e e pyeti më parë Prishtinën kur hapi “siparin” e sanksioneve ndaj Kosovës me anulimin e njëanshëm të mbledhjes së përbashkët të qeverive?!

Jo dhe jo!

Për të mos folur për shumë raste të tjera “goditjesh” arrogante e paternaliste ndaj institucioneve me të larta të Kosovës.

Që në shumicë çojnë tek promovimi i Serbisë, në kurriz të Kosovës!

Dhe ku ishte në ato qëndrime e veprime të Kryeministrit, Ministria jonë e Jashtme?!

Heshtje e plotë e saj, asnjë rol.

Dhe tani përsëri kërkohet të goditet Kosova, pikërisht duke kërkuar të nxirret ajo fajtore ndaj Serbisë.

Këtë herë nga ministri i Jashtëm!

Realitet absurd e i trishtë ky!