Dega e Vatrës në Manhatan ka paralajmëruar një protestë ndaj takimit të Kryeministrit të Shqipërisë, Edi Rama me shqiptarët e diasporës në ShBA. 

Aktivisti shqiptaro-amerikan, Sadri Kortoci tha që Rama në 12 vite nuk ka ardhur asnjëherë për të takuar shqiptarët dhe tashmë po vjen për të kërkuar vota, çka sipas tij është e padrejtë.

I ftuar në një intervistë për mediat në Shqipëri, Kortoci theksoi se ata që e organizojnë takimin s’janë përfaqësues të diasporës dhe se Rama nuk duhe të lejohet të futet brenda takimit.

“Janë 1 milionë e 1 arsye që diaspora të dalë kundër Ramës. Ata që e organizojnë takimin s’janë përfaqësues të diasporës, me gjithë respektin për Mark Gjonajn. Edi Rama ka 12 vite në pushtet që s’ka ardhur të takojë asnjë qytetar të shtetit të vet. Tani që miratuan të drejtën e votës, vjen edhe na bashkohet në një takim të pamiratuar nga diaspora, edhe do të kërkojë votat tona. Kjo më duket shumë e padrejtë”.

Gjithashtu një tjetër shqiptaro-amerikan, Muhamet Omari ngriti shqetësimin se marrja e të dhënave të shqiptarëve në SHBA nga PS, mund të përbëjë vepër penale.

“Janë 1 mijë e 1 arsye pse ne protestojmë, kundër kryefyellit të kryeministrisë, që përdor një komunikim tallava dhe vjen e takon njerëz që s’janë përfaqësues të komunitetit. Mund të konsumohet edhe një vepër penale nëse merren të dhënat tona dhe të futen në sistemin e votimit në Shqipëri, do të jetë një manipulim i jashtëzakonshëm. Besoj se numri i shqiptarëve që do bashkohen në protestë do jetë i madh, kundër një partie që ka lindur nga mitra e Serbisë. Diaspora s’duhet ta lejojë të futet brenda”.

Statusi i plotë i Sadri Kortoçi në Facebook:

Kryeministër i Shqipërisë, kemi nderin t'ju mirëpresim në këtë rast të rëndësishëm në Diasporën. Ndërsa jemi thellësisht , me keqardhje ju njoftojmë se, e vlerësojmë si te gabuar këtë takim, pasi ke dëbuar gati 1 milionë shqiptare në këto vite të qeverisjes suaj.

Ftojmë gjithë secilin nga ju që ndihet i dëbuar nga vendi në një tubim paqësor pranë vendit ku mbahet takimi.

Addressa : Gotham Hall 1356 Broadëay, Manhatan ,New York

26 Tetor 2024 ora 10:30 .