Anëtari i Këshillit Kombëtar të PD-së, Jamarbër Malltezi ka reguar ashpër në lidhje me vendimin e kreut të SPAK, Altin Dumani, për të mos filluar procedim penal për Edi Ramën, pasi ky i fundit është dënuar me vendim të formës së prerë nga gjykata për shpërdorim detyre gjatë kohës si kryebashkiak i Tiranës, me dëm mbi 340 mijë euro.

Në postimin e tij në Facebook, Malltezi ka publikuar dokumentin dhe ironizon këtë vendim skandaloz, duke i sugjeruar që ta bëjnë me akt normativ dhe ta shtojnë nenin, ku ‘Kodi Penal bëhet nul kur ligjet i shkel Edi Rama’.

‘Ju prisni të hetojë për inceneratorë apo për McGonigal këta që fshihen edhe kur ka vendime gjykate të formës së prerë! E ankimova në gjykatë këtë frikën e SPAK se tregon “Afërmendsh” dyfytyrësi e palaçollëqet’, shkruan Malltezi.

Postimi i plotë:

Lapangjosët e fëmijëve tanë nuk guxojnë të nisin procedim penal për edi ramën edhe kur ka vendim gjykate të formës së prerë për shpërdorim detyre me dëm mbi 340,000€! Bëjeni edhe Kodin Penal nominativ e shtojini nenin “Kodi bëhet nul kur ligjet i shkel Edi Rama”. Ju prisni të hetojë për inceneratorë apo për McGonigal këta që fshihen edhe kur ka vendime gjykate të formës së prerë!!! E ankimova në gjykatë këtë frikën e SPAK se tregon “Afërmendsh” dyfytyrësi e palaçollëqet