Kryedemokrati Sali Berisha, theksoi qartë kërkesën e opozitës për një qeveri teknike me një axhendë të qartë dhe të kufizuar. Gjatë deklaratës së tij për mediat, Berisha kërkoi një qeveri e tillë duhet të fokusohet vetëm në zgjidhjen e çështjeve që lidhen drejtpërdrejt me integrimin europian të Shqipërisë dhe garantimin e zgjedhjeve të lira dhe të ndershme.
"Normalisht vetëm zgjedhje të parakohshme. Pa diskutim. Qeveri teknike, me një axhendë të përcaktuar, problemet që zgjidhen direkt me integrimin dhe zgjedhjet e lira dhe të ndershme. Kjo është kërkesa jonë, për të cilën do luftojmë me të gjithë mbështetësit tanë dhe miqtë tanë në Europë dhe në botë," tha Berisha.
