Deputeti i opozitës Nard Ndoka ka hedhur akuza të renda rreth shëndetit të kryeministrin Edi Rama. Në një intervistë mediatike Ndoka tha se Rama me sjelljen kundër qytetarëve është duke kontribuar në shkurtimin e jetëgjatësisë së tij në pushtet. Ai pretendon se me ngjarjet e fundit kryeministri po shfaq edhe dobësitë e tij shëndetësore. “Po kontribon në vendimmarrjen tonë, po kontribon në shkurtimin e jetëgjatësisë së tij në pushtet. Është një kryeministër që nuk e kupton realitetin. Duke qënë një natyrë frikacaku përpiqet të bëjë trimin. Njerëzit që ka pranë vetes i thonë trimërou. Del në media, frymëmarrja i merret, shqisat e kanë lënë. Është futur në sherr me pedagogë, me aktorë, me qytetarë” tha Ndoka.

I pyetur për lënien e mandateve në parlament, Ndoka u shpreh pro, ndësa shtoi se me qëndrimin në parlament edhe opozita po përbaltet me zullumet e Ramës. “Eshte folur shpesh, nuk është nam për ta bërë një gjë të tillë. Për çfarë na shërbejnë mandate kur qeveria nuk dialogon me deputetët. Nëse do e bëjmë këtë do jetë fundi I kësaj qeverie. Jam pro. Nuk shoh ndonjë shprersë që kryeministri të refklektojë. Kjo tregon agoninë e këtij shteti. Është absurd të dënosh njerëzit që protestojnë për të drejtat e veta. Në protest kalohet caku, është e pranueshme. Sot kemi në pushtet njerëz që e dogjën vendin në 97-ën. Prezenca jonë ën parlament na përbaltos edhe ne me këtë pushtet” vijoi deputeti Ndoka.