Deputeti i PD, Luçiano Boçi, i ftuar në Fax News është shprehur se qeveria e ka prishur kontratën me qytetarët e thjeshtë dhe po i grabit nëpërmjet konçensioneve dhe shtimit të taksave. Ai ka thënë se është në krah të protestuesve.

“Ne kemi qenë pranë tyre, jemi pjesë e protestës dhe kemi bërë kërkesë për lirimin e të arrestuave pasi mbahen në mënyrë të padrejtë.  Konsistenca jonë ka qenë e madhe për të marrë informacion, do të jemi në vazhdimësi me qytetarët pasi kjo është detyra e opozitës”, 

Gjithashtu Boçi është shprehur se çështja e tarifimit duhet parë në mënyrën e ndërtimit të rrugëve dhe sesi shqiptarët i paguajnë.

Opozita është për mirëmbajtjen e rrugëve por jo për ti grabitur shqiptarët dyfish, se boll po grabiten shqiptarët me taksa që po rriten përditë’

“Mosbindja civile duhert të shtrihet në të gjitha shtresat, bisneset, njerëzve të thjeshtë e tjerë sepse Rama po u merr të ardhmen.

Kemi një projekt kriminal të një bande që ka marrë logon e një partie. Është vjedhje duke noteruar ligje, kjo kontratë nuk duhet zbatuar.

Gjithë ky agresivitet në Kukës, 23 fugonë për 23 të ndaluar . Ku ishin këto për habilajt, Balilin?”, tha deputeti i cili më pas shtoi se opozita nuk është për të shembur shtetin por për të tronditur qeverinë që të tërhiqet nga rruga e saj pasi po u merr të ardhmen shqiptarëve.

Boçi duke shpjeguar se çfarë nënkuptonte me mosbindje civile u shpreh se qytetarët most ë shojnë në sportele të paguajnë taksat.