Vetëm pak ditë pas akuzave të PD për vonesa në pajisjen e deputetëve të komisionit hetimor Tahiri me certifikata sigurie, Drejtoria e Sigurisë së Informacionit të Klasifikuar njofton se në fakt dokumentet janë gati dhe gjithçka varet nga paraqitja e deputetëve demokratë për formalitetet e nevojshme. Në një përgjigje oranews, DSIK njofton se certifikatat janë lëshuar që prej datës 24 prill dhe janë gati. "Deputetët duhet më parë të nënshkruajnë për njohjen e procedurave të sigurimit të informacionit të klasifikuar dhe të përgjegjësive individuale për shkeljet e sigurisë", thuhet në përgjigjen e DSIK.

"Në përgjigjen e DSIK thuhet se më datë 24 prill 2018 ka lëshuar Certifikatat e Sigurimit të Personelit në rrethanat e urgjencës së jashtëzakonshme për deputetët: Edi Paloka, Enkelejd Alibeaj dhe Klotilda Bushka me afat vlefshmërie deri më datë 23 maj 2018".

Drejtoria e Sigurimit te Informacionit te Klasifikuar u vu pak ditë më parë në qendër të akuzave të PD për vonesa në pajisjen e deputetëve me certifikatat e sigurisë. Ankelejd Alibeaj tha se kjo po pengonte punën e komisionit hetimor.