Vetëm pak ditë më parë, ambasadori amerikan Donald Lu, pasi lavdëroi gazetarët se me shkrimet e tyre bënë të mundur identifikimin e një grupi personash me dhëna kriminale, në të cilët përmendte edhe emrin e ish deputetit Mark Frroku. Pa kaluar shumë ditë, nga dita e sotme, njëri prej “peshqve” të mëdhenj, Mark Frroku mund të çajë rrjetën dhe të jetë i lirë. Nuk dihet se çfarë do bëhet me rrjetën e famshme këtej e tutje, por shenjat që u dhanë sot nuk janë shpresëdhënëse e besimplotë për peshkime të ardhshme. Siç ka nisur, përderisa peshku i madh Saimir Tahiri, jo vetëm që nuk është zënë, por shëtit e punët i ecin mbarë sa nga prokuroria e aq nga politika, rrjeta e famshme do ngelet simbolike.