Ish-ministri i Drejtësisë, Ylli Manjani ka reaguar pas vendimit të gjykatës për Tahirin. Por “halli’ i Manjanit nuk është Tahiri, por Rama, i cili sipas Manjanit tashmë është i frikësuar e flet “jerm”.

Me anë të një postimi në rrjetet sociale, Manjani shkruan se Ramës i iku goja vetëm për një arrest shtëpie, imagjinoni sikur dënimi të ishte më i rëndë.

Postimi i Manjanit:

Përse ju tha pështyma Kryeministrit?!

Një arrest shtëpie dhe u mek... Flet e shkruan jerm. Vaj halli po të ishte më e madhe gjëma!!

Kërkon drejtësi të pavarur nga “... diplomatët”?!

Me cilët diplomatë ta ketë vallë?! Me Rusët?! ????????

Si u bënë të këqinj krejt pa pritur këto Ambasadorët?! Ata na bënë reformën, kushtetutën!

Vërtetë nuk kemi parë asgjë, akoma! Zgërlaqja e Rilindjes dhe poshtërsitë e politikës do bëhen gjithnjë e më të dukshme...

Të presim e të shohim!

Ndërkohë, për çështjen Tahiri vërtetë do duhet të presim deri në fund! Deri sa të ketë një vendim gjyqësor të formës së prerë!