Kryetari i Grupit Parlamentar të LSI-së pati një komunikim me mediat ku ka shprehur qëndrimin ndaj vendimit që dha Byroja e Kuvendit dje për mosndëshkimin e kryeministri si dhe ecurinë e mëtejshme të protestës. Ai e konsideroi bastard, Ramën, për gjuhën vulgare që përdori duke e krahasuar popullin me organin gjenital të mashkullit, por i cilësoi të tillë edhe deputetët që e mbështetën, përfshirë kryetarin e parlamentit Gramoz Ruçin.
Vasili deklaroi më pas se LSI nuk do të tërhiqej nga asnjë prej kërkesave që shtroi në protestën e djeshme bashkë me forcat e tjera opozitare si lirimi i protestuesve të arrestuar, heqja e taksës së Rrugës së Kombit dhe taksave të tjera.
