Në mbledhjen javore me grupin kuvendor socialist që po zhvillohet këto çaste, Rama u shfaq në mbrojtje të dy ministrave të tij të brendshëm. Në veçanti mbrojti Saimir Tahirin, arkitektin e kanalizimit të Shqipërisë. Rama foli për marrje përgjegjësish, por askujt nuk i ngelet mbjellja e 113 mijë hektarëve me kanabis. Në fjalimin e gjatë të kryeministrit, një monolog dëshpërues i pashpresë, flitet për”kazanë”, “qeverinë e shkuar”, “video me probleme”, etj, por asnjëherë marrja e përgjegjësive për drogëzimin e Shqipërisë. Sepse ky kryeministri i “asgjësimit” teorik të 99.98% të mbledhjes së kanabisit është vetëm shefi i skuadrës së kanabisit. Për çdo gjë përpiqet që ta vendosë fajin te opozita, e cila sigurisht nuk ka asnjë përgjegjësi qeverisëse . tanimë, Ramën qejfli dikur i kamerave të fshehta po e shohim kompetent të cilësive apo vërtetësisë filmike kompjuterike.