Kreu i Grupit të LSI-, Petrit Vasili ka reaguar ditën e sotme për qëndrimin që ka mbajtur zyra e BE në Shqipëri, për nenin 491, ku flet për ekstradimin e personave që janë dënuar në mungesë në vendet e huaja.

Në një reagim për Zërin e Amerikës, zyra e BE e drejtuar nga Romana Vlahutin u shpreh se ka pasur disa variante për këtë nen, kur është hartuar Reforma në Drejtësi, ndërsa edhe versioni i miratuar, është në përputhje me standardet e BE.

“Komisioni i ligjeve ne shkelje flagrante e ka ndryshuar nenin 491 te ardhur ne kuvend dhe ky ndryshim nuk gjendet asgjëkund ne procesverbalin komisionit te ligjeve,qe dokumenton ndryshimet qe i behen projektligjit te propozuar dhe qe me pas i paraqiten seances plenare per votim.”, thotë Vasili.

Opozita ka akuzuar Fatmir Xhafajn, i cili kur ishte në krye të Komisionit të Reformës në Drejtësi, ka ndryshuar këtë nen, për të shpëtuar vëllain e tij, i cili është dënuar me 7 vite burg në Itali për trafik droge.

Reagimi i Vasilit:

BE ne Tirane dhe Euralius genjejne per nenin 491,me mire te heshtin.

BE ne Tirane dhe Euralius vazhdojne per fat te keq te shperdorojne autoritetin e Europes lidhur me drejtesine.
Per te gjithe opinionin publik duhet te jete e qarte se Euralius genjen kur thote ka pasur disa variante per nenin 491.
Ka pasur vetem nje variant te pergaditur nga grupi i eksperteve te nivelit te larte dhe te paraqitur ne Kuvendin e Shqiperise me firmen e nje deputeteje.
Komisioni i ligjeve ne shkelje flagrante e ka ndryshuar nenin 491 te ardhur ne kuvend dhe ky ndryshim nuk gjendet asgjekundi ne procesverbalin komisionit te ligjeve,qe dokumenton ndryshimet qe i behen projektligjit te propozuar dhe qe me pas i paraqiten seances plenare per votim.
Ky eshte manipulim sa nje mal.
Vetem BE ne Tirane dhe Euralius cuditerisht nuk e shohin dhe paskan marre detyren te bejne alibine e ketij skandali.
Per llogari te kujt e bejne? A e ndihmojne Shqiperine duke bere alibine e manipulimit dhe shkeljes se ligjit? 
Kush ja mbyll syte per te pare pazarin e ligjeve me porosi?
BE ne Tirane dhe Euralius shenuan rekorde te erreta,negative dhe te dyshimta,kur bene avokatine dhe alibine procesit thellesisht te inkriminuar te zgjedhjes se prokurorit te pergjithshem me 69 vota.
Kur BE ne Tirane dhe Euralius e kane te "pamundur" te mbrojne parimet bejne mire te heshtin.Europa qe shqiptaret njohin nuk eshte kjo e ketyre.

/55News.al/