Edhe pse shqiptarët e panë me zë e me figurë deklaratën e Kancelarit austriak Sebastian Kurz se nuk ka një përgjigje të sigurtë për çeljen e negociatave për Shqipërinë, Kryemininistri Edi Rama nuk nguroi të mashtrojë në rrjetin social facebook. Pas takimit ai publikoi një status ku thotë se Austria është “Po” dhe në krah të Shqipërisë për çeljen e negociatave.
Në konferencën e përbashkët për shtyp me kryeministrin Edi Rama, Kancelari austriak Sebastian Kurz tha se nuk mund të japë një përgjigje të qartë se kur do të çelen negociatat me Shqipërinë.
“Nuk mund t’ju jap një përgjigje apo siguri të qartë. Ka disa shtete të BE që për shkak të problemeve të rëndësishme e kanë të vështirë të thonë po”u shpreh kancelari austriak gjatë konferencës.
Madje ai citoi edhe problemet që kanë disa shtete të Bashkimit Europian me Shqipërinë.
E këtu bëhet fjalë për të paktën 5 shtete anëtare të BE-së Gjermania, Belgjika, Hollanda , Greqia dhe Italia kanë shprehur shqetësimin për kanabisin shqiptar.
