Pak javë më parë në mediat rozë u përhap lajmi se Anxhela Peristeri ishte fejuar, sepse mbante një unazë në gisht. I ftuar në emisionin ‘Rudina’, blogeri Olti Curri tha se Anxhelës i rrinte shumë mirë unaza dhe se duhej të publikojë disa foto, duke shtuar akoma më shumë dyshimet. Ditën e sotme, Anxhela ka treguar të vërtetën në lidhje me këtë lajm në emisionin ‘Rudina’. Këngëtarja ka thënë se nuk është fejuar dhe atë unazë e mban prej 4 vitesh në gisht. Megjithatë ajo ka shtuar se Olti di diçka që ka folur, duke pranuar në një mënyrë se në jetën e saj mund të ketë një person. Gjithsesi Anxhela u shpreh se nuk ka ende diçka konkrete, por kur të ketë do e tregojë për të gjithë, sepse nuk është turp të dashurosh.