Këtë të shtunë në programin Pop Culture do të jenë të ftuara dy bukuroshet Nevina Shtylla dhe Fioralba Ponari. Moderatorja Dojna Mema ka ndarë një copëz nga puntata e së shtunës, ku ndër të tjera ajo e pyet Nevinën se përderisa ka ikur me përshtypjet më të mira nga televizioni Klan, ku për një sezon moderoi programin “Jo vetëm modë”, atëherë pse nuk e ndjek Eni Shehun në Instagram?
“Më ka bërë bllok”; u përgjigj moderatorja e “Proçesit Sportiv”, duke krijuar një mimikë ‘innoçente’. E pikërisht shprehia e fytyrës së Nevinës na bëri kuriozë për të pyetur se si qëndron e vërteta dhe pse Eni i ka bërë bllok moderatores me të cilën ka punuar për një sezon në “Jo vetëm modë”.
“Me Nevinën nuk kemi ndarë kurrë momente shoqërore . Kemi bashkëpunuar dhe kemi qenë kolegë korrektë, por miqtë secili i zgjedh sipas dëshirës, edhe në rrjetet sociale. Bllok? Ç’të të them, nuk asnjë arsye për t’I bërë bllok, jo Nevinës por askujt, nuk e përdor fare si opsion. Mund ta kem shtypur dhe padashje (Qesh) se më bëtë të kontrolloj instagramin tani”: u përgjigj gazetari Shehu.
