Shilpa Ray kantautorja amerikane do të performojë për herë të parë në Kosovë me 26 Korrik, në Kino Lumbardhi në Prizren.
Këtë e ka bërë të dituar ajo vetë përmes një postimi në profilin e saj në Facebook, ku në listën e performancave të turneut të saj këtë verë, është e caktuar edhe performanca e saj në Prizren.
“26 Korrik – Lumbardhi –Prizren, Kosovë”, shkruhet në listen e saj.
Në listë shihet se ajo do të performoj në shumë vende dhe si duket është mjaft e entuziazmuar për këtë turne udhëtimesh.
“Ky do të jetë një ferr udhëtimesh, por definitivisht jo një udhëtim për në ferr !!! Shihemi se shpejti!” ka shkruar Ray.
