Marcelo thotë se Reali nuk do të lejonte t’i ndodhë atyre ajo që i ndodhi Barcelonës.

Barcelona u eliminua nga Liga e Kampionëve nga një ekip inferior në letër, nga Roma, duke u mposhtur 3-0 në Olimpico, kurse sfida e parë në “Camp Nou” kishte përfunduar 4-1.

Dicka e ngjashme ishte afër të ndodhte edhe mbrëmë në “Santiago Bernabeu”, kur Juve arriti të përmbysë rezultatin e ndeshjes së parë, por një penallti e diskutueshme në fund të ndeshjes, e konkretizuar nga Cristiano Ronaldo, e dërgoi Realin në gjysmëfinale.

“Bëmë gjithçka që është e mundur për të shkuar në fazën tjetër”, tha Marcelo.

“Ajo që i ndodhi Barcelonës, nuk do të na ndodhte neve sepse ne jemi Real Madridi”, shtoi mes tjerash braziliani.