U mbyll me rezultatin 3-0 takimi Uruguai-Rusi, ku rusët në ndryshim nga dy ndeshjet e para në mbrëmjen e sotme u mundën me një rezultat të thellë.

Me këtë ndeshje Uruguai siguroi biletën direkte për në fazën tjetër të turneut të Botërorit.

I pari që kaloi në avantazh skuadrën e Uruguait ishte Luis Suarez i cili shënoi në minutën e 10.

Më pas në minutën e 24 rusët do të bënin një autogol duke i dyfishuar rezultatin Uruguait, ku Denis Cheryshev do të ndihmonte më tej ekipin kundërshtar.

Ai që do të vuloste fitoren e Uruguait do të ishte Edinson Cavani i cili trefishoi rezultatin e ekipit të tij.

Ndonëse ishte një ndeshje me sulme të dyanshëm Uruguai arriti që të kishte më shumë dominim.