Thashethemet për largimin e Ronaldos nga Reali në fillim dukeshin si fjalë në ajër, por këto fjalë gjithmonë e më shumë po marrin  jetë dhe një transferim i Cristiano Ronaldo-s te Juventus mund të jetë shumë i realizueshëm.

Klubi bardhezi sipas mediave spanjolle ka arritur marrëveshjen si me ‘galaktikët’ ashtu edhe me futbollistin.

“Cristiano Ronaldo do të largohet nga Reali i Madridit, që do të pranojë ofertën 100 milionë euro nga Juventusi. Për “yllin” portugez është momenti të thotë lamtumirë, pasi fitoi gjithçka me fanellën e bardhë. Nuk po largohet për para, sepse Reali i ka ofruar gjithçka që kishte kërkuar, thjesht ka përfunduar një cikël. Ai ka qenë një protagonist i madh, tani i duhet përgatitur lamtumira. Një lamtumirë në lartësinë e Cristiano Ronaldos,” raporton televizioni “La Sexta”.

Sot në mëngjes mori dhenë informacioni se Juvja kishte nisur bisedimet për ta transferuar në Torino. “I janë propozuar 4 vite kontratë për një total prej 120 milionë eurosh deri në vitin 2020.”

Presidenti Agnelli mësohet se ka komunikuar disa herë ne portugezin dhe sintonia mes të dyve është totale. Sfida e CR7 është ta fitojë Championsin me një fanellë tjetër, pra larg Realit të Madridit.