Legjendat e futbollit Ronaldo dhe Lothar Matthaus kanë parashikuar se Brazili me sulmuesin kryesor Neymar, do të dalin kampionë të Kupës së Botës.

“Brazili natyrisht. Ndoshta është ekipi më i përgatitur dhe që e meriton më së shumti këtë Botëror. Brazili është i gatshëm pavarësisht se është shumë i kritikuar në vendin tonë”, ka thënë ylli brazilian, Ronaldo.
Ronaldo po ashtu ka folur për kritikat që i janë dhënë Neymarit, ndërsa ka shtuar se do të cilësohet si njëri ndër futbollistët më të mirë në botë.
“Nuk mendoj se Neymar duhet të brengoset për këtë gjë. Qëllimi i tij është të fitojë dhe nëse kjo arrihet, titujt individual nuk mund të mungojnë”, shtoi ai.
Matthaus që është futbollisti me më së shumti paraqitje me Gjermaninë u pajtua me këtë, dhe ka shtuar se ky Botëror ka pasur shumë futbollistë cilësor.