Udhëheqësi i FIFA-s për qëndrueshmëri dhe diversitet Federico Addiechi u ka dhënë urdhër të gjithë transmetuesve të shfaqin sa më pak pamje të femrave të bukura në shkallët e stadiumit si pjesë e përpjekjeve për të shmangur seksizmin në futboll.

Organi qeverisës i futbollit botëror do të marrë një imazh më të respektueshëm të tifozëve femra që ndjekin ndeshjet, pasi të mërkurën u ngritën informacione mbi mediat e FIFA-s pasi u pikasën shumë raste të ngacmimeve seksuale gjatë Kupës së Botës.

Pothuajse gjysma e ngjarjeve të tilla ka ndodhur në kohën kur gazetare femra kanë qenë në transmetim të drejtpërdrejtë në televizion.

Addiechi tha se FIFA do t’u kërkojë transmetuesve kombëtarë të ndalojnë fokusimin e pamjeve te femrat tërheqëse në stadiume për të parandaluar incidentet e mundshme “seksiste”.

Ndërsa përsa i përket faktit se racizmi u quajt çështja më problematike e Rusisë para Kupë së Botës, asnjë rast diskriminues nuk është raportuar deri më tani, tha drejtori ekzekutiv i një organizate që lobon për barazi në futboll, i cili vlerësoi organizatorët e turneut për mikpritje të ngrohtë ndaj miqve ndërkombëtarë.