Tri ditë pas prezantimit zyrtar te Real i Madritit, talenti i madh brazilian, Vinicius Junior ka habitur tifozët dhe shokët e skuadrës me manovrimet gjatë seancave stërvitore.

Siç mund të shikoni edhe në videon e mëposhtme, me ikjen e Kristiano Ronaldos, nuk do të të kemi shuarje të spektaklit në Bernabeu, pasi Vinicius premton shumë.

Ai në stërvitjen e fundit ka bërë disa lëvizje magjike, duke treguar se pavarëisht moshës, mund të luajë në ekipin e parë të 13 herë kampionëve të Evropës.

I talentuar brazilian është prezantuar ditën e  premte nga Florentino Perez në objektet e Santiago Bernabeu si lojtar i ri i Mbretërve.

Presidenti i Real Madridit i ka uruar mirëseardhje talentin brazilian në prezantimin e tij duke e cilësuar si njërin nga shpresat më të mëdha të Brazilit.

Në anën tjetër, brazilian ka shtuar se ka arritur kulmin e futbollit duke u bërë lojtar i Real Madridit, teksa ka shtuar se do të bëj gjithçka që të përshtatet dhe të tregoj se e ka merituar këtë mundësi.

“Kjo është mundësia më e mirë që mund të ketë një lojtar futbolli. Unë do të sakrifikoj shumë për të treguar se e meritoj këtë mundësi”.