Interi i ka ofruar mesfushorit të Real Madridit, Luka Modricit, një kontratë sipas të cilës kroati do t’i fitojë 10 milionë euro në vit, si dhe 1.5 milion euro shtesë. Zikaltrit thuhet se kanë kontaktuar yllin kroat për t’i ofruar një transferim drejt Interit. Një gjë të tillë e ka pranuar edhe trajneri i Interit, Luciano Spalleti, duke thënë: “Do të vazhdoj të ëndërroj së bashku me tifozët”. Ndërsa, presidenti i Real Madridit, Florentino Perez, ka tentuar t’i shuajë shpresat e zikaltërve duke thënë se ai e shet Modricin vetëm për 750 milionë euro.
Por, Interi pritet ta kontaktojë Real Madridin përsëri gjatë këtij afati kalimtar. Kontrata e Modricit me Real Madridin përfundon në vitin 2020, ndërsa kontrata e ofruar nga Interi do ta mbante kroatin në klubin Italian deri në vitin 2022.
