Ish portieri i Italisë Dino Zoff po ashtu edhe legjenda e Juventusit në vitet 70’-80’ është i mendimit se “Zonja e Vjetër” aktualisht është më e fortë se Real Madridi. Sipas Zoff kjo vetëm për faktin se te bardhezinjtë u bashkua ylli portugez Cristiano Ronaldo.

 “Juventusi nuk është më pak teknik apo i fortë se sa Reali në mesfushë dhe në sulm. Kjo Juve ka potencial te shumë lojtarë dhe deri më tani e kemi parë te Emre Can. Nuk është inferior krahasuar me Realin. Unë them se është më i fortë sepse ka një mesfushë që të ngjall frikë; Emre Can, (Federico) Bernardeschi, që mbron shumë, Matuidi, një punëtor i jashtëzakonshëm”, vazhdoi kampioni i botës me Italinë në vitin 1982.

“Tani varet nëse bardhezinjtë do të arrijnë të fitojnë. Por në letër, nuk janë poshtë Realit. CR7 nuk shënoi në debutim? Ai nuk ka probleme me faktin se si duhet të luajë. Trajneri Allegri do të dijë të marrë vendimet e duhura në momentet e veçanta” tha ai.