Ylli francez Paul Pogba e ka pohuar se dëshiron të largohet nga Manchester United dhe të bashkohet me Juventusin në merkaton e transferimit të janarit.

Sipas gazetës “Tuttosport” mesfushori u kthye te United nga Juventusi për 89 milionë sterlina pak më shumë se dy vjet më parë. Por 25-vjeçari që ka fituar Kupën e Botës ka luftuar për qëndrueshmëri gjatë dy sezoneve të tij nën drejtimin e portugezit Jose Mourinho.

Paul Pogba është përfshirën në një mosmarrëveshje me shefin e United në sezonin e fundit, gjë që e bëri atë të humbiste vendin e titullarit në skuadër. Mesfushori tha se është i pakënaqur me analizën e Mourinho-s për shfaqjet e tij për Francën në Kupën e Botës këtë verë në Rusi.

Kjo media shkruan se marrëdhëniet e dobëta të Pogba me Mourinho-n janë forca lëvizëse pas dëshirës së tij për të lënë “Old Trafford” dhe mesfushori po planifikon një kthim në klubin e tij të mëparshëm, ku ai do të gjente portugezin Cristiano Ronaldo.

Pogba do të përballet me klubin e tij të mëparshëm në fazën e grupeve të Ligës së Kampionëve, pasi United është në Grupin H së bashku me Juventusin, Valencian dhe Young Boys.