Ish-presidenti i Barcelonës, Sandro Rosell do të dal në gjyq më 25 shkurt 2019, në selinë e gjykatës kombëtare në Madrid.
54 vjeçari është akuzuar së bashku me gruan e tij Marta Pineda dhe katër të tjerë për pastrimin e 20 milion eurove të marra nga Konfederata e Futbollit të Brazilit (CBF). Rosell rrezikon një dënim me 11 vjet burg, si dhe me një gjobë prej 59 milionë euro për pastrimin dhe që dyshohet se i përkasin një organizate kriminale.
Sipas burimeve, gjykimi do të mbahet nga 25 deri më 28 shkurt, 11 deri më 14 mars dhe 25 deri 27 të të njëjtit muaj, përpara seksionit të parë të Dhomës Penale të Gjykatës.
Për më tepër, Pineda përballet me një dënim me burg prej shtatë vjetësh, ndërsa avokati i Andorit, Joan Besoli përballet me dhjetë vjet dhe një qytetar libanez, një mik i Rosell, Shahe Ohanneissian edhe shtatë vjet.
Për dy personat e tjerë të dyshuar, Pedro Andres Ramos dhe Josep Colomer, Prokuroria ka kërkuar respektivisht tetë dhe gjashtë vjet burg. Organizata kriminale e lartpërmendur thuhet se ka pastruar paratë e fituara nga ish presidenti i CBF midis viteve 1989 dhe 2012, Ricardo Teixeira.
Më shumë sa 14,9 milionë euro janë mbledhur në komisione të paligjshme nga të drejtat e transmetimit të 24 miqve të ekipit brazilian dhe pesë milionë nga një kontratë sponsorizimi me Nike.
