Jurgen Klopp e ka vlerësuar mesfushorin veteran të Liverpoolit, James Milner, pas golit të tij në barazimin 1-1 në “Emirates” ndaj Arsenalit.
Sipas trajnerit gjerman, Milner është një lider i vërtetë.
“Milly është si verë, si verë e mirë dhe e kuqe. Ai po bëhet edhe më i mirë”, ka thënë Klopp.
“Mendoj se duhet t’i blejë të gjitha gazetat dhe ta lexojë këtë. Do të dëshiroja shumë nëse e shkruani një histori për James Milner”.
“Dikush mund të shkruaj se ai mund të luajë përsëri për Kombëtaren e Anglisë. Kjo është një ide shumë e mirë”.
