Inter i ka idetë e qarta për sezonin 2019-2020. Zikaltërit po kërkojnë një regjisor që të rrisë nivelin e lojës.

Kontaktet mes Modriç dhe Interit nuk janë ndalur kurrë. Por nga Spanja vjen një tjetër sinjal, këtë herë nga Ivan Rakitiç.

Pak ditë më parë mediat italiane shkruanin për një ofertë të Interit për mesfushorin e Barcelonës ndërsa sot “La Gazzetta dello Sport” shkruan se lojtari i ka kërkuar klubit ta lënë të lirë në fund te sezonit.

Me ardhjen e De Jong dhe me shumë mundësi edhe të Rabiot, hapësirat për Rakitiç do të zvogëloheshin shumë në mesfushën e Barcelonës, në këto kushte kroati kërkon që klubi ta lë të lirë nëse vjen një ofertë e përshtatshme.