Ish-lojtari i Barcelonës, Milanit e kombëtares braziliane të futbollit, Ronaldinjo, është në telashe.

Atij i është marrë pasaporta duke i ndaluar largimin jashtë vendit për shkak të një gjobe të papaguar prej 2 milionë eurosh.

Bëhet fjalë për një problem me një ndërtim në pronësi të tij, të ndërtuar nga kompania e të vëllait, ‘Reno Construcoes e Incorporacoes’, në pronësi të Roberto de Asiss Moreira.

Sipas avokatit, të lojtarit, pak kohë më parë, Ronaldinjo kishte arritur një marrëveshje për ta paguar gjobën me këste por nuk ka paguar ende asgjë.

Për këtë arsye i është bllokuar pasaporta si dhe i janë sekuestruar 57 pasuri të patundshme vitet e fundit.