Çështja e refugjatëve që mund të vijnë në Shqipëri është bërë pjesë e debatit të politikës si dhe arsye për shkëmbim akuzash. Por një analizë se përse Shqipëria nuk është gati për refugjatë është zhvilluar sot në emisionin “Studio e Hapur” në News24 ku ka qenë i ftuar ish-ministri i Drejtësisë Ylli Manjani.

Ai tha se nëse refugjatët vijnë “qeveria do marrë lekë dhe këto para do i paguajë populli shqiptar”.

Lidhur me deklaratën e Majkos, Manjani tha se e mbështet dhe se meriton respekt.

“Unë e kam mbështetur deklaratën e Majkos dhe ai pohim meriton respekt. E konsideroj qëndrim të përgjegjshëm të një qeveritari që meriton respekt. Shpresoj që vendimi i Majkos të jetë dominues”, u shpreh Manjani.