Situata e sistemit gjyqësor në vend është katastrofë dhe prej javësh opozita e vendit është artikuluar për rrezikun e mosfunksionimit të gjykatave të vendit, që në fund të ditës do t’i shërbejnë vetëm pushtetit të ekzekutivit, e veçanërisht pushtetit të kryeministrit të vendit.

Gjithashtu edhe ndërkombëtarët e kanë shprehur hapur shqetësimin për mosfunksionimin e Gjykatës Kushtetuese, e tashmë edhe Gjykatës së Lartë.

Por duket se të gjitha këto shqetësime dhe mosfunksionimi i Kushtetueses e gjykatës së Lartë nuk e bezdisin aspak kryeministrin Edi Rama. I ftuar në emisionin Përballë në TVSH, Rama deklaroi haptazi se nuk është aspak i shqetësuar për mosfunksionimin e Kushtetueses dhe Gjykatës së Lartë, përderisa reforma në drejtësi po ecën përpara duke pastruar nga “llumi” gjyqtarët e prokurorët e korruptuar.