Ditën e sotme ka rënë bora e parë në Dardhë të Korçës.
Temperaturat kanë nisur të ulen ndjeshëm dhe kjo ndjehet kryesisht në orët e para të mëngjesit dhe ato të mbrëmjes.
Meteoalb bën me dije se jo vetëm kjo fundjavë, por edhe java që vjen do të nisë me reshje shiu dhe dëbore në zonat malore, ndërkohe që temperaturat do të jenë të ulëta.
Fundjava paraqitet e paqëndrueshme, ku vranësirat do të jenë të pranishme në të gjithë territorin duke gjeneruar reshje dëbore në zonat malore dhe shira të dobët në pjesën tjetër, kryesisht në jug të vendit. Po ashtu, java tjetër do të nisë me reshje shiu e dëbore në zonat malore.
Temperaturat e ajrit vijojnë të ulëta deri nga e mërkura tjetër kur pritet rritje graduale e tyre.