I plagosuri është vëllai i Baki Taullaut, i vrarë në vitin 2005 nga anëtarë të bandës të Aldo Bares.

Dyshohet se motivi i atentatit ndaj tij është hakmarrje, nisur nga konflikti i hershëm i familjes së tij me “Bandën e Lushnjës”.

Në vendin e quajtur “Rotondo e Plygut”, është qëlluar me armë zjarri në drejtim të lokalit të shtetasit Saimir Taullau, 47 vjeç, banues në Lushnje,” njofton policia.

Për pasojë ka mbetur i plagosur lehtë shtetasi i cili ndodhet në spitalin e Lushnjes nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe po punon për zbardhjen e plotë të saj si edhe identifikimin e autorëve.

Në hyrje daljet e qytetit janë ngritur pika të shumta kontrolli me qëllim kapjen e autorëve të dyshuar.