Studentët e universiteteve publike në Tiranë po protestojnë para Ministrisë së Arsimit, ndërsa pjesë e kësaj është bërë edhe pedagogu Edmond Tupe.
Pjesë e kësaj proteste u bënë edhe studentë të fakulteteve të tjera, ku disa prej tyre u bashkuan tek MAS, ndërsa të tjerë vijuan tubimin tek Korpusi Universitar.
Protestuesit u ulën në gjunjë përtokë, ndërsa brohorisnin; ‘Ne nuk ikim’, ‘Anulo vendimin’, ‘turp, turp, turp’, ‘Jemi studentë, nuk jemi klientë’. Studentët kanë hedhur stilolapsa dhe vezë në drejtim të godinës së ministrisë.
