Ndërsa Shqipëria është në karantinë dhe në gjendje të rëndë emergjence, Edi Rama gjen kohë që të dalë në ekrane dhe të lëshojë edhe deklarata lajthitëse.
Duke folur në studion e ‘Opinion’, e duke mos ju përgjigjur pyetjeve të bëra nga gazetari Blendi Fevziu, Rama u shpreh se shqiptarët janë me fat që ai është kryeministër.
Në kontrast me kritikat e gjithanshme për masat e vonuara dhe mungesën e plotë të organizimit dhe logjistikës së shërbimeve shëndetësore për të përballuar situatën e krijuar nga koronavirusi, Edi Rama na kujtoi të gjithëve sa jemi me fat që kemi atë kryeministër.
