Në Tiranë jo vetëm që nuk ka masa për të dezinfektuar rrugët, por po ashtu askush nuk kujdeset që të pastrojë mbeturinat. 

Koshat këtë të hënë kanë qenë të tejmbushur, ndërsa banorët kërkojnë ndërhyrje urgjente, duke u shprehur të frikësuar se mund të marrin infeksione

Prej një jave Shqipëria është në karantinë ndërsa është ndezur alarmi për ruajtjen e higjienës.

Por ndërsa për banorët kërkohet maksimumi, bashkia e Tiranës vazhdon të qëndrojë në gjumë. 

Këto pamje tregojnë kosha të mbeturinave të pa pastruara.

Madje edhe pse numri i kalimtarëve është i lartë askush nuk është kujtuar për t'i zbrazur duke shtuar rrezikun e infeksioneve. Pamjet janë bërë virale në rrjetet sociale, ku shqetësimi mbetet i lartë.

Lidhur me këtë situatë ka reaguar edhe kryetari i FRPD, Belind Këlliçi.

Përmes një reagimi në Facebook, ai shkruan: "Shumë e trishtë që Tirana ka mbetur në mes të këtij KEQmenaxhimi të tmerrshëm. Kryeqyteti i Shqipërisë ka mbetur PA kryetar bashkie — është java e dytë që këto pamje i shohim çdo ditë dhe asnjë masë nuk është marrë".

Pamjet e mëposhtme flasin vetë: