Zyra e Bashkimit Europian në Tiranë reagoi me një koment të shkurtër në lidhje me situatën e krijuar në Shqipëri pas prishjes së Teatrit Kombëtar.
Në koment u bëhet thirrje palëve për përmbajtje, teksa theksohet se Teatri u prish pa u marrë një vendim i pakthyeshëm për të.
“Që në orët e para të këtij mëngjesi, kemi ndjekur me shqetësim të thellë zhvillimet e situatës në terren. Ne u bëjmë thirrje palëve të tregojnë përmbajtje dhe të shmangin një përshkallëzimin të situatës.
Prishja e Teatrit Kombëtar erdhi në një kohë kur ne kërkuam dialog midis autoriteteve dhe shoqërisë civile para se të merrej një vendim i pakthyeshëm. Na vjen keq që kjo thirrje nuk u ndoq nga institucionet përkatëse kombëtare dhe vendore,” thuhet në mesazh.
