Sipas studiuesve të universitetit të Utrehtit në Holandë, testimi dhe raportimi i shpejtë i rezultateve janë të nevojshme që gjurmimet e kontaktit të jenë sa më efektive. Testimi që zgjat deri në pesë ditë ose më shumë është i padobishëm, shkruan CNN.

Gjurmimi i kontaktit konsiderohet standard i artë për të luftuar një pandemi, por kërkon testimin e të gjithë personave të rrezikuar, duke izoluar një pjesë të tyre dhe më pas duke gjurmuar kontaktet e tyre. Për të ulur rrezikun e përhapjes së koronavirusit studiuesit deklaruan se duhet të zbatohen 3 rregulla

Së pari, testimi duhet të kryhet në ditën kur një person zhvillon simptoma.

Së dyti, duhet të fillojë gjurmimi i kontakteve një ditë pasi kemi zbuluar rezultatet e testit.

Dhe së treti, sistemi i gjurmimit duhet të funksionojë 100%.

Por ndërkohë që në vendin tonë jo vetëm që nuk ka testime të shpejta, por ka tmerrësisht pak testime.

Eksperti Erion Dasho ka ironizuar:

“STRATEGJI ANTI-COVID

Europa Perëndimore: Testo - Gjurmo - Trajto

Europa Lindore: Testo (sa më pak) - Gënje (sa më shumë)”