Presidenti i Komitetit Ndërkombëtar në Kërkimin e Drejtësisë (ISJ), Alejo Vidal-Quadras, ka paralajmëruar se regjimi iranian është në mes të një fushate që rrezikon anëtarët e Rezistencës iraniane (MEK) që u zhvendosën në sigurinë e Shqipërisë pasi u larguan nga kampi në Irak. Anëtaret e rezistencës iraniane ose të njohur si muxhahedinët, të cilët janë nën sigurinë e Shqipërisë janë të rrezikuar, teksa mund të ndodhin sulme terroriste, nga regjimi iranian, shkruhet në “Iran Neës Update”.

Anëtarët e opozitës që kanë jetuar në Irak, kanë kaluar vite duke iu nënshtruar sulmeve çnjerëzore dhe eksperimenteve mjekësore. 178 banorë humbën jetën atje. Shumë prej të cilëve më në fund u transferuan në në Shqipëri ku u pritën ngrohtësisht. Ishte një arritje shumë e madhe largimi I banorëve të fundit nga Iraku dhe u konsiderua si një sukses i madh humanitar pas një nisme të fortë që përfshinte një sasi të konsiderueshme të presionit diplomatik. Kjo përfshinte Kombet e Bashkuara, ISJ-në.

Për Kongresmenët dhe Senatorët e SHBA-së , anëtarët e Parlamentit, personalitetet amerikane dhe politikanët evropianë, regjimi iranian është në një situatë të dëshpëruar pas protestave të përhapura që filluan në fund të dhjetorit, në të cilat njerëzit protestuan në mbi 140 qytete në Iran.

Ndryshimi i regjimit është shansi i vetëm për liri, demokraci dhe të drejtat e njeriut, ndaj dhe njerëzit bëjnë thirrje që ky ndryshim të ndodh. Për të kundërshtuar izolimin në rritje të vendit, regjimi po rrit fushatën e shtypjes dhe tani po synon grupin MEK në Shqipëri.

Vidal-Quadras ka bërë thirrje që të ndërmerren masa të menjëhershme në mënyrë që fushata e Republikës Islamike kundër disidentëve të anulohet.