Më në fund, pas shumë kërkesave të artistëve figurativë, hapësirat e Galerisë Kombëtare të Arteve do t’i nënshtrohen restaurimit, rikonstruksionit dhe rehabilitimit. Sipas një njoftimi thuhet se Ministria e Kulturës ka hapur tenderin për hartimin e projektit me fond limit 12 milionë e 500 mijë lekë (1 milion euro), që është një shumë e konsiderueshme për të bërë vërtet një mrekulli, nëse do ketë vullnet e përgjegjësi. Por kujtojmë se tenderat e Ministrisë së Kulturës fitohen gjithmonë nga miq të kryeministrit, apo Kumbaros dhe s’është çudi që të fitojë përsëri “Fusha” apo miqtë e tij, sepse ata janë klientët e saj dhe nga ky fond i madh, patjetër që peshkaqenët e tenderave do të vijnë rrotull.

Galeria Kombëtare e Arteve ka nevojë për ndërhyrje urgjente, sepse  gjendja e përgjithshme e objektit shfaqet e rënduar dhe e amortizuar në kohë. Ka vite, dekada që nuk është bërë një rikonstruksion i plotë, vetëm ndërhyrë pjesërisht në rifiniturë dhe në mirëmbajtje.

Salla e ekspozitës e katit të tretë ka nevojë të rikonstruktohet në mënyrë të tillë që të jetë sa më funksionale dhe në kushte teknike sipas standartit.

Hidroizolimi i godinës është në gjendje të degraduar, në pjesën e podrumit ka prezencë të lagështisë, në perimetrin e jashtëm si dhe në tarracë.

– Hidroizolimi dhe termoizolimi i hapësirave të dritareve është në gjendje të degraduarë

– Ndriçimi natyral i katit të tretë, nuk është realizuar në formën dhe materialin e duhur, duke u bërë shkak i trasmetimit jo vetëm të temperaturave të jashtme, por dhe shiraveë

– Dera kryesore duhet spostuar për të kthyer në identitet Galerinë Kombëtare të Arteveë

– Është e nevojshme rikonstruksioni i ambienteve të Fondit të veprave dhe skulpturaveë

-Sistemi elektrik është i amortizuar, nuk përmbush normat e lejuara dhe ka nevojë për shtimin e kapacitetitë

– Sistemi i aspirim/kondicionimit nuk është funksionalë

– Ka mungesë të sistemit të mbrojtjes kundra zjarrit, si një kusht shumë i rëndësishëm për kategorinë e funksionit të godinës. Mungon dhe një sistem sigurie. Këto janë vetëm disa nga problemet që kërkojnë ndërhyrje sipas relacionit të specialistëve të Ministrisë së Kulturës.

Godina e sotme e GKA është inauguruar në vitin 1975, vepër e arkitektit të njohur, profesor Enver Faja , i cili sa ishte gjallë kërkonte që edhe ai të ishte pjesë e ndryshimeve që duheshin bërë në GKA dhe ka botuar në faqet e gazetës “55” disa propozime interesante se si duhet bërë ky rikonstruksion. Do ishte mirë që, pse jo, firma fituese, t’i merrte parasysh sugjerimet e arkitekt Fajës.

Përveç ndërhyrjes në godinën e GKA, duhet hequr urgjentisht “Reja” japoneze, pasi po i merr frymën këtij institucioni dhe ta çlirojë atë plotësisht. Kjo “vepër” është “dhuratë” nga dyshja Rama- Veliaj, e cila u ekspozua për disa muaj e pastaj nguli rrënjë aty e nuk e heq dot kush.

Pas mbylljes së aplikimeve dhe shqyrtimit të tyre pas datës 20 gusht, do të shpallet edhe fituesi, i cili duhet të ekzekutojë projektin e tij të rikonstruksionit deri në 5 muaj pas lidhjes së kontratës.

Që prej vitit 2007 “Galeria Kombëtare e Arteve” gëzon statusin Monument Kulture i kategorisë së dytë. Gjithashtu përfshihet brenda zonës së mbrojtur “Qendrës historike të aksit kryesor të qytetit të Tiranës”, miratuar me Vendim të Këshillit të Ministrave në vitin 2017.