Tani e tutje ish- shkolla 9-vjecare “SabaudinGabrani 2” do të mbajë emrin e aktores së shquar të skenës dhe ekranit, Drita Pelinku,”Nder i Kombit”. Me këtë emër shkolla është pagëzuar që në ditën e parë të nisjes së vitit shkollor 2018-2019, pas vendimit të Këshillit Bashkiak të kryeqytetit.

Shkolla “SabaudinGabrani 2” ka mbi 800 nxënës nga klasa 6-9, dhe është vijim i shkollës “SabaudinGabrani” që gjendet në kryqëzimin e 21-shit. Kjo shkollë është relativisht e re dhe këtë emër ka mbi 20 vjet që e mban. SabaudinGabrani është një dëshmor i LANC-it, dhe ishte “luksi” i madh që një 20 vjeçar, si Gabrani, nga fshatrat e Bregut të Detit, të përjetësohej në dy shkolla e në një rrugë në kryeqytet, kur arritja më e madhe e tij ishte aktiviteti ilegal si anëtari  PKSH, djegia e shkollës italiane në kryeqytet në 1943, derisa u kap nga fashistët dhe vdiq në burg, në 1943. Emri i tij iu vu shkollës 8-vjeccare që në vitet e diktaturës komuniste. 

Emri i aktores dhe pedagoges së shquar ështëmirëpritur jo vetëm nga nxënësit e prindërit, por edhe kolektivi i mësuesve. Drita Pelinku (1926-2013) ka qenë aktore në TK, që nga viti 1945 dhe pedagoge në ILA, që në mesin e viteve 70-të. Ka një numër të madh rolesh e kryerolesh nga dramaturgjia botërore e ajo kombëtare si dhe në filmin artistik shqiptar. Vënia e emrit të saj një shkolle të kryeqytetit vjen në 5-vjetorit e ndarjes së saj nga jeta, më 2 tetor 2013.