Në edicionin e 21-të të Panairit të Librit shtëpia botuese “55” sjellë disa tituj të rinj dhe një sërë librash historikë, që kanë ngjallur admirimin dhe tërheqjen e lexuesve të shumtë.

Mes titujve të rinj përmendim “Muhamedi”, një libër historik mbi jetën e profetit, me autor Essad Bey, është biografia më mbresëlënëse dhe më imponuese e shkruar deri më sot, si dhe “Qiell në flakë” i shkrimtarit të shquar anglez Simon Sebag Montefiore, një roman i shkruar mbi ngjarje të vërteta të Luftës së Dytë Botërore, në fronin e larget sovjetik, ku ushtria italiane humbi mijëra jetë njerëzish, në një luftë absurde e të përgjakshme. Në filim të vitit 1942 ushtria italiane në Rusi, numëronte 235 mijë trupa të dërguara nga Musolini, si përforcime të gjermanëve, pai nuk donte që të mbetej pas në një fitore të mundshme të gjermanëve. Pak italianë e mbështetën këtë mision, me përjashtim të trupave të tij fashiste speciale, këmishëzinjtë, që në roman udhëhiqen nga Malamorja.  Italianët hodhën në terren Divizionin e 3-të të kalorsisë Amadeo Duca d’Aosta në një total prej 25 mijë kuajsh.

Po ashtu është mirëpritur edhe libri “Persekutimi i klerit katolik” nga Kastriot Dervishi, studime që lidhen me gjenocidin komunist mbi klerikët, vrasje, persekutime, burgje internime, 8 shekuj burgim ne vitet 1944-1990, etj. Interes nga lexuesi ka pasur edhe për një sërë librash historikë të tjerë.

Sh.B “55 ka 20 vjet dhe mbi 250 tituj, autorë të rëndësishëm të letërsië e hisotriografisë shqiptare dhe asaj të huaj.