Kosovë: Një muaj paraburgim për gruan që reagoi ndaj vrasjes së Qassem Soleimanit

E Enjte, 09 Janar 2020 18:48

Një gjykatë në Prishtinë i shqiptoi masën e paraburgimit prej 30 ditësh nën dyshimet për nxitje të terrorizmit, një gruaje që reagoi pas vrasjes së gjeneralit iranian Qassem Soleimani.

Gjykata tha se “ekziston dyshimi i bazuar që e pandehura I.H ka kryer veprën penale për të cilën dyshohet - shtytje në kryerjen e veprave terroriste”.

Gjykata miratoi kërkesën e prokurorisë për masën e paraburgimit për shkak të drojës se “e pandehura mund të arratiset për t’i ikur përgjegjësisë penale”.

Ikballe Berisha Huduti u arrestua dy ditë më parë ne lidhje me postimet që kishte bërë në rrjetet sociale lidhur me vrasjen e gjeneralit iranian.

“Njerëzit si ti nuk vdesin, por te vdekurit qe ecin mbi tokë e qe mbajnë gjak krimineli, ata janë te vdekur por vetëm frymojnë për tu turpëruar vet dhe kombin e vet kriminel. Kriminelët ta deshën vdekjen e cila nuk është vdekje por shehidllek me i bukur qe ka mund ta ketë dikush ne shekullin 21”, kishte shkruar ajo në facebook. “Duke vrarë të zotin e shtëpisë, ju keni vrarë të gjithë familjen, andaj hakmarrja është e obligueshme, por nuk ka kufi”, kishte shkruar ajo.

Më pas ajo e kishte fshirë postimin e saj dhe kishte paralajmëruar padi ndaj medieve që e kishin cituar atë.

Bashkësia Islame e Kosovës, tha pas arrestimit të saj se “zonja Igballe Berisha - Huduti, asnjëherë nuk ka qenë punëtore e Bashkësisë Islame të Kosovës dhe rrjedhimisht deklaratat, qëndrimet, opinionet dhe predikimet e saj nuk kanë asgjë të përbashkët me Bashkësinë Islame të Kosovës dhe as me interpretimin dhe mësimet tradicionalet të fesë islame të aplikuara ndër ne me shekuj”.

Udhëheqësit e Kosovës mbështetën veprimet amerikane ndaj Iranit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Politikë

Ish deputeti Xhemal Gjunkshi, të emëruarit të Ramës në bashkinë Bulqizë: Lefter DORËHIQU!

Kryeministri duhet të kishte shkarkuar Leter Allën, të droguarin e Bulqizës. Heshtje dhe indiferentizëm pas transmetimit të videos shokuese të transmetuar në ABC TV, ku shihet Kryebashkiaku i emëruar nga Edi...

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Politikë

‘Anti-shpifja’ për shqyrtim në Komisionin e Venecias, ish-deputetja e opozitës: Akti i KiE zbulon fytyrën e qeverisë

Pasi Këshilli Europian kërkoi që paketa ‘Anti-shpifje’ të shkojë për shqyrtim në Komisionin e Venecias, vjen një reagim dhe nga ish-deputetja e LSI-së Kejdi Mehmetaj. Përmes një mesazhi Mehmetaj thekson...

200 lëkundje tërmeti në Turqi nga mbrëmja e djeshme

Globi

200 lëkundje tërmeti në Turqi nga mbrëmja e djeshme

Turqia është goditur nga një numër tërmetesh gjatë mbrëmjes së djeshme dhe ditës së sotme. Turqia ka përjetuar momente tmerri, gjatë natës së kaluar, teksa është goditur nga rreth 200...

Sondazh

Nothing found!

Sondazh

Nothing found!