Kriza politike në Kosovë, LDK: Kemi 64 vota, shumë shpejt formojmë qeverinë Hoti

Tuesday, 28 Prill 2020 13:43

Lidhja Demokratike e Kosovës ka paralajmëruar se sot ose nesër do të nënshkruajnë koalicionet me partitë tjera dhe pastaj do të dorëzojnë emrin e mandatarit te presidenti i shtetit, Hashim Thaci.

Pas mbledhjes së kreut të LDK-së, Isa Mustafës me grupin parlamentar, para mediave ka folur shefi i deputetetëve të Lidhjes Demokratike, Arben Gashi. Ai ka bërë të ditur se koalicionet do të formalizohen shumë shpejt.

“Po presim që me formalizim e koalicionit, që do të bëhet shumë shpejt, besoj që brenda ditës ose nesër të procedojmë me kërkesën për seancë të jashtëzakonshme për formimin e qeverisë. Akoma nuk e kemi marrë po besoj që sapo ti kryejmë çështjet që kanë të bëjnë me formimin e koalicioneve, dhe 61 deputetë, do ta njoftojmë presidentin”, ka deklaruar ai.

I pyetur se pse s’ka qenë në takimin e sotëm edhe kryeparlamentarja Vjosa Osmani, Gashi tha se e njëjta kishte marrë ftesë.

“Votë e mjaftueshme konsiderohen në momentin kur nënshkruhen koalicionet, ne ende si kemi nënshkruar, besojmë që sot ose nesër. Të gjithë deputetët përfshirë zonja Osmani ka qenë e ftuar, po besoj që ka pas diçka nxanë në agjendë”, tha ai, derisa ka bërë të ditur se Lista Serbe do të jetë pjesë e koalicionit dhe do të kenë një zëvendëskryeministër.

“64 vota i kemi. Lista Serbe me sa di unë do të jetë pjesë e koalicionit, bohet koalicioni, lista Serbe ashtu kshtu e ka numrin e caktuar të përfaqësimit në institucione Njëri nga ministrat e Listës Serbe do të jetë zv.kryeministër”, shtoi ai, raporton Express.

Shefi i deputetëve të LDK’së tha se nuk e di nëse kreu i AKR’së, Behgjet Pacolli do të mund të jetë pjesë e seancës ku votohet qeveria e re.

“Sa i përket z.Pacolli ju e dini që nëse na ka mësuar diçka çështja e koronës, ka qenë që të bashkëpunojmë në distancë, nuk e di a do të jetë prezent, po kryetari i LDK’së dhe kandidati për kryeministër kanë biseduar me të”, tha i njëjti, teksa ka folur edhe për paralajmërimin e LVV’së se do të ankohen në Kushtetuese.

“Mendoj që kemi këndvështrime të ndryshme, letra e presidentit s’ka bazë për të shkaur në Kushtetuese, dekreti është diçka tjetër, është e drejtë e kujdo që konsideorn që ju ka mohuar një e drejtë që t’i drejtohet Kushtetueses, në këtë rast Vetëvendosje mund t’i drejtohet”, shtoi ai.

Gashi ka bërë të ditur se sot nuk janë diskutuar emrat për ministra.

“Sot nuk kemi disku për emra të përveçëm, në parim cilat janë orientimet tona, çështja e ministrave iu është besuar kandidatit për kryeministër me kryesinë e partisë po ashtu dhe grupi parlamentar do të njoftohet për këtë çështje. Sapo të përfundohen koalicionet do të drejtojmë emrin. Unë përsërita tri herë që shpresojmë besojmë që brenda ditës sotme dhe nesër do të mbyllen koalicionet dhe pastaj procedojmë me emrin te presidenti”, tha ai.

 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

BSH:Gjatë pandemisë Shqipëria humbi 17 mijë vende pune Shqipëria ka humbur rreth 17 vende punë si pasojë e pandemisë.

Aktualitet

BSH:Gjatë pandemisë Shqipëria humbi 17 mijë vende pune Shqipëria ka humbur rreth 17 vende punë si pasojë e pandemisë.

Një gjë të tillë e ka bërë me dije guvernatori Bankës së Shqipërisë, Gent Sejko ditën e sotme (1 korrik 2020). Sejko shtoi se në tremujorin e parë ekonomia është tkurrur...

Zv.presidente e Asamblesë së Përgjithshme të OKB,Yuri Kim mesazh Besiana Kadaresë:Urime për zgjedhjen e Shqipërisë në pozicionin e rëndësishëm

Politikë

Zv.presidente e Asamblesë së Përgjithshme të OKB,Yuri Kim mesazh Besiana Kadaresë:Urime për zgjedhjen e Shqipërisë në pozicionin e rëndësishëm

Ambasadorja amerikane, Yuri Kim ka uruar zv.presidenten e Asamblesë së Përgjithshme të OKB-së, Besiana Kadarenë për postin e ri. Kim thotë uron Kadarenë për zgjedhjen e Shqipërisë në pozicionin e rëndësishëm...

Protestat tek Unaza e Re,nis gjyqi për ish-deputetin Klevis Balliu

Politikë

Protestat tek Unaza e Re,nis gjyqi për ish-deputetin Klevis Balliu

  Ish- deputeti i PD, Klevis Balliu do të jetë sot në gjyq pas shtyrjes së seancës së parë para pandemisë. Pas mbylljes së hetimeve, Prokuroria vendosi ta dërgojë në gjyq Klevis...

Sondazh

Nothing found!

Sondazh

Nothing found!