Nga Kastriot Dervishi

Një copëz nga historitë e shumta të periudhës së komizmit. Një raport përmbledhës i datës 15.9.1951 për gjendjen e kampeve dhe burgjeve gjatë muajit gusht, i përpiluar nga Dega e Kampeve dhe Burgjeve e Ministrisë së Punëve të Brendshme, përmban edhe disa fakte. Ndër të tjera po bëj të ditur një pjesës për keqsjelljet e personelit polic, si dhe të dhënat e muajit gush.

Pjesë nga raporti:

“Tetar Petro Jovani, duke qenë me shërbim për kapjen e një të burgosuri që ishte arratisur, ka shkuar në familjen e një të burgosuri duke marrë një vajzë me pretekst që ta pyesë, të cilën e shfrytëzoi duke i pretenduar fejesë dhe se vëllain e saj që ish në burg do ta bëjë bashkëpunëtor dhe do ta lirojë, duke e paraqitur veten si drejtor kampi. Për këto vepra me urdhër të Degës së Punëve të Brendshme Korçë është arrestuar. Kapter Fejzi Plepi i kampit Peqin, (i) ka futur të holla një të burgosuri pa lejen e komandës dhe ka dashur të shfrytëzojë vajzën e një të burgosuri....Aspirant Tefik Ibrahimi i kampit Nizhacev është dehur me raki në Korçë dhe ka marrë makinën e kampit Nizhavec e ka shkuar në katundin Pojan në një dasëm. Ka nxjerrë revolverin karshi civilëve”.

Të dhënat të muajit gusht 1951

-394 të dënuar të sëmurë

-102 të internuar të sëmurë

-12 të burgosur të vdekur dhe 3 të internuar të vdekur

-Sëmundjet në kampe: TBC, sifiliz, dizenteri, tifo, malarie, skorbut