Emli Bimli

E mërkurë, 09 September 2020 12:53

Siç edhe dihet personeli i kampeve dhe burgjeve të Shqipërisë në kohën e sundimit të regjimit komunist, përbëhej nga niveli më i pashkolluar që mund të kishte vendi. Ishte cilësia më e lartë e injorancës. Në mënyrë ironike, sidomos në 20 vitet e para të regjimit, këta të pashkolluar mbanin të burgosur gjithë universitarët që kishte pasur vendi. Ky fakt ishte treguesi më i mirë se veç të tjerash, vitit 1944 ishte edhe triumf i injorancës dhe se vetëm injorancë do prodhonte. Një skenë humori të ndodhur rreth vitit 1963 në Repartin nr.321 Burrel e tregon edhe përshkrimi i mëposhtëm, teksa leximi ishte një hall i madh për oficerët dhe nënoficerët e burgut në fjalë.

Pjesë nga rrëfimi i Agim Mustës

Para pushimit të mbrëmjes, bëhej apeli nga oficeri dhe nënoficeri i shërbimit. Çdo i burgosur, kur dëgjonte emrin çohen në këmbë me qëndrim gatitu, por emri dhe mbiemri i tij, kurrë nuk lexohej ashtu siç ishte shkruar në librin e apelit. Oficerët dhe nënoficerët gjysmëanalfabetë, i lexonin me aq deformime emrat e të burgosurve, sa që shpesh shkaktonin çaste humori në atë vend të zymtë. Një herë, një oficer e filloi apelin duke lexuar “Emli Bimli”. Asnjëherë nga të dënuarit nuk u çua në këmbë. Në kaushin tonë dhe në të gjithë burgun, s’kishte ndonjë të burgosur me emrin Emli Bimli. I acaruar, oficeri lexoi për herë të dytë me zë më të lartë. Askush s’u përgjigj. Ne shtrëngonim buzët që të mos qeshnim, por na tradhtonin fytyrat. Kjo e tërboi oficerin dhe për herë të tretë bërtiti me sa zë kishte në kokë: “Emli Bimli të çohet në këmbë”. Situatën tragjikomike të krijuar, e shpëtoi përgjegjësi i kaushit, duke i shpjeguar oficerit me shumë politesë, se ai po bënte një gabim pa dashje, duke lexuar atë që shkruhej sipër listës, domethënë, “emri mbiemri”. Oficeri i turpëruar nga injoranca e tij, u largua me nxitim, pa e bërë apelin. Mbasi u vendos llozi i jashtëm i derës nga gardiani, të gjithë të burgosurit u shkrinë së qeshuri për disa sekonda. (Agim Musta, “Dosjet e gjalla”, Tiranë 1995, faqe 38)

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Politikë

Del përgjigjja e tamponit/Kryetarja e bashkisë së Shkodrës, Voltana Ademi konfirmohet pozitive me Covid 19

Kryetarja e bashkisë Shkodër, Voltana Ademi ka rezultuar pozitive me COVID-19. Kryebashkiakja e Shkodrës një ditë më parë pas dyshimeve ka bërë tamponin pranë strukturave të shëndetësisë ndërsa në përgjigjen...

Ulet numri i rasteve të reja me COVID-19 në Itali, 17 të vdekur në 24 orët e fundit

Globi

Ulet numri i rasteve të reja me COVID-19 në Itali, 17 të vdekur në 24 orët e fundit

  Bien shifrat e COVID-19 në Itali. Testimet ditën e sotme kanë qenë 55.800, ndërkohë që gjatë javës u arritën edhe 100 mijë testime.Në 24 orët e fundit në shtetin fqinjë...

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

Globi

Protestat në Bjellorusi/Ja imazhet e fiksuara nga fotografi i arrestuar nga regjimi bjellorus

  Një gjykatë në Minsk, më 16 shtator, dënoi fotoreporterin e Shërbimit bjellorus të Radios Evropa e Lirë Uladz Hrydzin dhe fotografin e pavarur Alyaksandr Vasyukovich me 11 ditë burg, për...