Ky është dokumenti me të cilin princesha Hamyde u pajis nga Drejtoria e Mbrojtjes së Popullit për të dalë nga Shqipëria. Xhelal Riza Bushati ishte martuar me bijën e sulltan Abdylhamitit, Naimenë. Xhelali vdiq në Nisë të Francës në vitin 1938. Naimeja erdhi në Shqipëri për t’u interesuar për pronat e bashkëshortit. Hamydeja erdhi nga Franca në shkurt 1943. Ajo u largua në tetor 1945, pak javë pasi gjyshja e saj kishte vdekur. Gjatë kësaj kohe ajo u fejua me Mykerem Janinën.

Jusuf Vrioni e kujton kështu princeshën: “Në 1944 pata një takim të pazakontë në tiranë me stërmbesën e Abdyl Hamitir, një nga sulltanët e fundit të famshëm për rreptësinë morale dhe për despotizmin e tij. Kjo vajzë, me një fytyrë shumë të bukur orientale, kishte ardhur në Shqipëri për të marrë pasuritë e saj që buronin nga një pasha i familjes Bushati, bashkëshort i gjyshes së saj. E rritur qysh e vogël në Francë, ku jetonte në Nisë, ajo nuk fliste shqip, por shprehej në mënyrë të përsosur frëngjisht. Ajo ishte piktore”.